تبریز یمیز
دئمه يوللار اوزاقدير، آرايا بير چاي دوشوب ،
ووصال كيمين قيسمتي ، بيزه حسرت پاي دوشوب
بيريميزه گؤز ياشي، بيريميزه توي دوشوب
دانيش اوجادان دانيش، سن ديليني باغلاما
آغي دئديگين بسدي،
آغلاما ، تبريزم آغلاما
***
اؤلنلر تورپاغين دير ، بيزه ساغلار قاليبدير
.
باخيب كؤكس اؤتورمه گه قارلي داغلار قاليبدير
.
بير گؤزوموز گولورسه ، بيري آغلار قاليبدير
.
سيل گؤزونون ياشيني ، اورگيمي داغلاما
آغلاما تبريزيم ، آغلاما
***
بير تورپاغين اوستونده اوتايلي ، بو تايليييق
تورپاق كي عؤمور دگيل، نئجه گلدي پايلاياق
نه قدر قارداش دئييب اوزاقدان هارايلاياق
اوجالت حاققين سسيني، دئه سؤزونو ، ساخلاما،
***
آغلاما ، تبريزيم اغلاما،
بلكه بنؤؤشه ميزي بو نيسگيل حسرت اگير
آرازا كورپو اوچون تورپاق اوغول ايستهيير
سنه ال اوزاديرام سن گوون اؤز عاغلينا.
دؤيوشكن دوزعاغلينا.
آغلاما، تبريزيم ، آغلاما
***
چوخدور ديل پهلواني ، سؤزده آشيب داشيريق
بو گوناهسيز آرازا نئجه گوناه قوشوروق
وطنين اورتاسيندا ، مفتيله دولاشيريق ؛
بيرده باخ دونني نه كيمسهيه بئل باغلاما
دور آياغا وطن دئه ،
آغلاما ، تبريزيم ، آغلاما
